Мой чарговы верш – якім ён будзе?
Што хачу я ім да вас данесці?
Выйдзе сонца – лепей стануць людзі,
Смех і песні мы пачуем дзесьці.
Пойдзе дождж, агідны і халодны,
Пабягуць усе хутчэй дахаты.
Не захоча захварэць нiводны,
Ці то бедны ён, ці то багаты.
Рыба знойдзе месца, дзе глыбока,
Звер лясны – дзе ціха i бяспечна.
Я на свет гляджу ў абодва вока:
Ён ужо не той, што быў спрадвечна.
Кожны хоча жыць магутнай верай,
Што жыццё не абарвецца раптам,
Што сусвет пазбегне ночы шэрай
I праслужыць доўга мірны атам.
Кожны хоча гадаваць нашчадкаў,
Піць з крыніц, купацца ў чыстай рэчцы,
Ды кіслотных не чакаць ападкаў…
Не перамагчы прыроду ў спрэчцы.
Мой чарговы верш – якім ён будзе,
І ці будзе заўтра ён наогул?
Выйдзе сонца, а ці выйдуць людзі?
Гэтае вядома толькі Богу.
26.05.2014
Мой чарговы верш
© Copyright: Вершы, 2014
Свидетельство о публикации №114052608544
Свидетельство о публикации №114052608544
Рецензии
Навогул...
Мой чарговы верш - ён будзе, будзе...
Алекс Старостин 12.06.2014 02:20 • Заявить о нарушении
Мой чарговы верш - ён будзе, будзе...
Алекс Старостин 12.06.2014 02:20 • Заявить о нарушении
На это произведение написано 13 рецензий, здесь отображается последняя, остальные - в полном списке.