Къванер гатаз,физва Самур,
Хайи хуьруьн къвалавай.
Хъел ква адак вучиз ят1ан
Кlаз жемир физ патавай.
Сад АЛЛАГЬдиз зикирзава,
Яшар хьанвай Дидейри.
Лезгийрикай фикирзава,
Секинсуз тир лепейри.
Яраб, юкьвай кьацl авунвай
Зи халкь мад сад жедатlа?
Самур вацl, вун тахсир кьунвай,
Гьакимриз ван къведатlа?
Чизва: кlан я, азадвал гуз,
Ваз кьве патан халкьариз.
Самур, вуна, эхир са къуз,
Къван гудайди часпарриз.
Гьа Нил вацlни заз ви къвалав,
Лап гъвечlи тир са булах я.
Владикани къвез ви патав
Ийизвайди дамах я.
"Билбил " ктабдай.
Самур вацl
© Copyright: Владик Батманов, 2014
Свидетельство о публикации №114052508120
Свидетельство о публикации №114052508120
Рецензии