Эй, дуьнья, чаз вакай мус хьуй са чара?
Къекъвезва вун девлетлуяр кьаз кlула!
Вучиз кесиб бамишзава, тваз фура?
Пул квайбуруз девран яни дуьньяда ?
Гьахъ ксарин гафар тийиз гьич саймиш,
Кlанзавани абур ийиз ваз бамиш?
Ша зи патав, гьахъвал ая дадмиш....
Кесиб бес ваз гьайван яни дуьньяда ?
Дуьнья, гьикьван жеда вун зал гьавалат,
Гуз гьамиша, анжах, заз хупl хажалат?
Яргъаз хьухь вун, залай асантдиз алат,
Гьахъвал гвай кас душман яни дуьньяда ?
Кьазвач вуна кесибди гай саламни,
Тарашзава кесиб, течиз гьарамни,
Сад АЛЛАГЬди алажда гьа ви хамни!
Чун вири мугьманар я и дуьньяда!
"Билбил " ктабдай.
Дуьньяда...
© Copyright: Владик Батманов, 2014
Свидетельство о публикации №114052504762
Свидетельство о публикации №114052504762
Рецензии