Ноктюрн
Виреллай чун. Вахтни йифен бере тир.
Ви вилери - ухшар къвезвай гъетерин! -
Нур къурзавай ашкъидал чи рикIерин.
Виреллай чун. Вахтни йифен бере тир.
Гужлу хьана бирдан гьевес гьиссерин,
Хъванай миже за ви таза цуькверин...
Виреллай чун. Вахтни йифен бере тир.
"Агь" акъатна, лагьанай на: - "Давамра,
Йиф яргъи я, на ви буржи тамамра!!!"
Виреллай чун. Вахтни йифен бере тир.
Пагь, а легьзе... Ам вуч хъсан легьзе тир:
Ви гьар са пIагь чи ашкъидин суьзме тир.
Йифиз вирел
© Copyright: Ибрагимов Магамед, 2014
Свидетельство о публикации №114052308118
Свидетельство о публикации №114052308118
Рецензии