Гъезел
Хъицикь аваз раб тахьайтIа, вавай кавал илиг жедач,
ЧидачтIа ваз сенятдин сир, раб гъалунив гилиг жедач.
«Зегьметдин дад, къадир чир хьухь» - лугьузва чаз мисалрини,
Гъилиз къабар такурдавай, ацIай кIатIаз килиг жедач.
Уьмуьр тваха зат михьи яз, гьахъ гафунин тереф хвена,
Ахьтин инсан и дуьньяда гьич садрани гъарикI жедач.
Диде-буба пIирер я пак, абурун гаф тамир чилел,
Дидедин агь галукьайдан, чир хьухь, хура сагъ рикI жедач.
Мегьамедаз герек туш таб, я гъейридан мални-девлет,
Куьз лагьайтIа гьахъни-гьалал са чIавузни кIаник жедач.
Гьакъикъат
© Copyright: Ибрагимов Магамед, 2014
Свидетельство о публикации №114052308028
Свидетельство о публикации №114052308028
Рецензии