Цяжкі водар, гаркавы
у бразільскае кавы –
Лёгкі водар, салодкі
у гарбаты з рамонкаў.
Вось таму й не хачу я
у краіну чужую,
Цёплай ліпеньскай ноччу
ля стагоў заначую.
Пацалуюся з сонцам
пад клёкат буслоў,
Зачаруюся веліччу
белавежскіх зуброў,
Не па хвалях Чырвонага мора,
а па сіні Браслаўскіх азёраў
Рассцялю свае русыя косы,
А затым басанож па пракосах
Праімчу да чароўнай крынічкі,
Дзе Багіня красы
ў васемнаццаць гадоў
Мыла ў росах свае чаравічкі.
На змярканні
за срэбным радном павуцінкі
Маці ўбачу
з жытнёвым снапом
у бялюткай, як снег, хусцінцы.
А калі дабяруся да роднае хаты,
Сяду з бацькам за стол
піць з рамонкаў гарбату.
…Цяжкі водар, гаркавы
у бразільскае кавы –
Лёгкі водар, салодкі
у гарбаты з рамонкаў.
Фота: http://vandrouka.by/2011/malyie-dikovichi-zhizn-na-poyme/
Цяжкi водар, гаркавы...
© Copyright: Люба Солошина, 2014
Свидетельство о публикации №114051901986
Свидетельство о публикации №114051901986
Рецензии
цудоўны верш.
не...не трэба нам замежжа...
дзякуй.
Александр Зенкевич 20.02.2022 16:59 • Заявить о нарушении
не...не трэба нам замежжа...
дзякуй.
Александр Зенкевич 20.02.2022 16:59 • Заявить о нарушении
На это произведение написаны 3 рецензии, здесь отображается последняя, остальные - в полном списке.