Ст1ал Сулейманан шиирриз

 
               

 Эй  Сулейман, мицел зирек,
 Халкьдин  шаир,  халкьдиз  герек
 Къвезма  къЕни  веревирдер,
 Ви  камаллу  чIалар  бетер!

 Гьар  гафуниз,  гьар  са  ери
 Аваз  лагьайбур  я  вири
 Гьич са  гафни  авач  кьезил,
 Гьарма  сад  я  ич1и  къизил!

 ЧIехи  хьайи  кесибвиле,
 Еке  къастар  аваз  рикIе,
 Шадардай  лежбердин  гъафил
 Гуьгьуьл вуна к1елиз  «Билбил».

 Хат1  авачиз  из  шаирвал,
 Лугьудайд  тир  кардин  тирвал,
 Чаз  гьам  к1вале,  гьамни  кимел
 Несигьат  я  шиир  «Темпел».

 Лугьуз  вуна  бушдаз  келле:
 «Гьар  намерддив  жеда  гьилле»,
 Гьахъвал,  дуьзвал  кьуна  вине,
 Негь  ийидай  табни  фитне.

 ЧидачиртIан  кхьин-кIелун,
 Дерин  авай  фагьум,  кьатIун,
 Савадлу  хьун  кьилин  метлеб
 Яз  теснифнай  шиир  «Мектеб».

 Вири  уьмуьр  мичIивиле,
 Авачиз  сес,  к1валин  пип1е
 Амукьтавур  руш  сусани
 Эзберзава  ви  «Назани».

 Дагъустандин  халкьдин  шаир,   
 Дуствилин  ваз  чидай  къадир.,
 Сад  авунай  миллетри  сир,
 Ван  атайла  «Юлдаш»  шиир.

 Гьар  са  карда къвазна  къараз
 Гьалчдай  къванер  вуна  яргъаз, 
 КIел тавуна  жедан  акъваз,
 «Фана  дуьнья»,  «Пис  паб»,  «Къавкъаз»...? 
 
 «ХХ - асирдин  Гомер»  т1варц1ел
 Баркалладик  кутурди  эл,
 Даим  ала  гьардан  рик1ел,
 Шегьредиз  элкъвенва  ви  гел!
 
 Чи  несилдин  руьгьдин  абур,
 Шииратда  - к1уьк1венвай  нур,
 Вири  дуьньядиз  тир  машгьур
 СТ1АЛ  СУЛЕЙМАН  такабур!




Декабрь  2011г.