Лезги чlалан пак гафарихъ
галаз зун,
Таниш я хьи амаз гьеле
кьепlина
И дуьньядиз эбеди яз зи чlал
вун-
Машгьурна лап
Сулеймана,Эмина.
Асирра ваз дерин тарих авазва,
Агъзурал кас лезги чlалал
рахазва,
Каинатда-тарифди вун
жакьвазва,
Вачедин тур хьиз хци я,лезги
чlал.
Чи гафарган гуьрчег я генг
яйлах хьиз,
Чи гьар са гаф чаз михьи я
булах хьиз,
Хуш я рикlиз вакай шиир мад
кхьиз,
Тlебиатдин наз, гуьзгуь я,лезги
чlал.
Зи багъри чlал аманат я
бубайрин,
Диде я ам векlегь,уьтквем
рухвайрин,
Сагьиб я,чlал зериф,кьезил
гафарин,
Зи гьиссеррин иеси я,лезги чlал.
Ви гьар са гаф гьар лезгидин
дарман я,
Ви гьар са гьарф багьа
якъут,мержан я,
Зи лезги чlал,Лезгистан зи
ватан я.
Владиказ чан хьиз кlани,Лезги
чlал.
Лезги чlал
© Copyright: Владик Батманов, 2014
Свидетельство о публикации №114042110273
Свидетельство о публикации №114042110273
Рецензии