Къаргъишарда сегьер-сегьер,
Сивяй вичин чк!ида зегьер,
Какадарда к!валер-хуьрер.
Барбат! Хьурай вун гъайи югъ.
Къари авай к!вале цукьдач,
Нянин бере-фу жегъидач,
Ярх хьайит!ан ваз килигдач!
Барбат! Хьурай вун гъайи югъ!
Малкамут хьиз ч!уруда чин,
Яргъивилиз килиг мецин,
Агъувилиз тамаш вичин!
Барбат! Хьурай вун гъайи югъ!
Дидед к!вале гьар юкъуз к!вач,
Сусакай чаз хийир авач,
Къавумриз гуз-кепек гумач!
Барбат! Хьурай вун гъайи югъ!
Гада гьатна ви гафуна.
Хъсан хуьрек ви руфуна,
Бес за гьик!ин хъел тавуна-
Барбат! Хьурай вун гъайи югъ!
Сифте къара рагъ хьтин-экуь,
Ахпа хьана уьмуьр эк!уь,
Вун хайиди зегьер я ткьуьл-
Барбат! Хьурай вун гъайи югъ!
Свас к!валева-гьак!ан я т!вар,
Чидаз чида геждал ахвар,
К!вализ гуда ич!и зарар,
Барбат! Хьурай вун гъайи югъ.
Къаридин дердер
© Copyright: Луиза Ахмедова, 2014
Свидетельство о публикации №114041600348
Свидетельство о публикации №114041600348
Рецензии