Прыдзі, дачушка, да мяне,
Да мамы ціха прытуліся,
І ў светлым, як дзяцінства, сне
Са мною крыўдай падзяліся.
Ці ж я не бачу, як твае
Туманіць боль тугою вочы,
Нядоля павуцінне ўе
У юным сэрцайку дзявочым.
Я так хачу твой боль забраць,
Каб зноў, як ластаўцы над хатай,
Табе шчасліва шчабятаць
І быць і вольнай, і крылатай.
Прыгожая, нібы вясна,
Ты на крыло ўзнялася рана
І на зладзея-каршуна
Ўглядаешся зачаравана.
Нырае ў хмары напралом,
Які ён дужы і прыгожы,
Як лоўка рэжа ён крылом
Тугі прастор над раздарожжам.
А там, дзе ссохлі бур'яны,
У бруднай шэрай каляіне,
Ужо чакаюць груганы:
О, ён жа нешта ім пакіне!..
Дачушка, ластаўка мая,
Я за цябе адну малюся,
Хай мне згарчэе удвая,
Твой грэх і боль сцярпець бяруся.
Дык прытуліся ж да мяне
І казку маміну паслухай...
Няхай нядолечка міне
І сэрцайка не поўніць скрухай.
Прыдзi, дачушка, да мяне...
© Copyright: Клавдия Семеновна, 2014
Свидетельство о публикации №114040709324
Свидетельство о публикации №114040709324
Рецензии
Дзеля свайго дзiцяцi мацi вытрымае немагчымае, I усё на сябе прыме. Спадабалася. Хай усё станецца добра.Дзякую.Вельмi вобразна.
Людмила Третьякова-Брановская 20.06.2014 20:52 • Заявить о нарушении
Людмила Третьякова-Брановская 20.06.2014 20:52 • Заявить о нарушении
Дзякуй за ўвагу, за спачуванне,за добрыя словы, пажаданні. Дзякуй Богу, усё ўжо мінула )))
І вам дабра!
Клавдия Семеновна 21.06.2014 13:33 Заявить о нарушении
І вам дабра!
Клавдия Семеновна 21.06.2014 13:33 Заявить о нарушении
На это произведение написаны 3 рецензии, здесь отображается последняя, остальные - в полном списке.