Алфавитдин мисалар

А
Алфавит я ахьтин затI,
Чирвал къачуз ганвай шад.
Б
Бахт тушни гьар инсадиз_
Яшамиш хьун хъсандиз?
В
Вахтни кIанда – кIвалахдай,
Ялни ягъиз, дамахдай.
Г
Гуьзелвал и дуьньядин –
Тахт я гьар са инсандин.
ГЪ
ГъалатI ахъай тавуна,
КIанда кIвалах авуна.
ГЬ
Гьикьван кьезил гьава я?
Ам чи чандиз дава я!
Д
Диде, буба, аялар –
Язва рикIин хиялар.
Е
Ери – ви кIвал, ви хуьр я,
Гьадалди вун загьир я.
Ё
Гьар ЦIийи Йис хьайивал, -
Ёлке я са цIийивал.
Ж
Жегьилвал – я разивал,
Кьуьзуьвал – наразивал.
З
Зегьмет чIугваз кIан жада-
Адахъ сагълугъ чан жеда.
И
Эгер ятIа инсанар,
Хьун герек туш нукьсанар.
Й
Йифер кIанда гъетерин,
Вацран лацу экверин.
К
Калер кIанда некIедин,
Дуьдгъверни фан тикедин.
КЪ
Вечре ягъиз къакъраяр,
Мука жеда какаяр.
КЬ
Аялар жен - кьепIина,
Данаяр хуьн – епина.
КI
КIвалин мишреб – хизан я,
КIвале тIуьр фу – гузан я
Л
Лампади хьиз экв гуда,
Кали хьтин нек гуда.
М
Мецеллайди – ширин я,
Чиналлайди – хъуьруьн я.
Н
Нефс ахъаюн хъсан туш,
Нефс пехъиди – инсан туш.
П
Пакамаз физ кIвалахдал,
Няниз хуьквен дамахдал.
ПI
ПIини, хатрут бул жеда,
Гатфарни гад, зул жеда.
Р
Рагъ алайбур – йикъар я,
Йифенди – чаз ахвар я.
С
Гайи касдиз квез Салам,
Жаваб це: Алейк Салам.
Т
Са таракай там жедач,
Тарар авач – гам жедач.
ТI
Гьар садал са тIвар жеда,
 Садан кьилел – зар жеда.
У
Гьар с кас са устIар жен,
Гзаф ярар-дустар жен.
УЬ
Уьмуьр бахтлу хьун патал,
Ислягьвал хуьх чун патал.
Ф
Фагьум ийиз – кьил ава,
Кар патал – кьве гъил ава.
Х
Хатур, гьуьрмет бул жеда,
Мел-мехъерин пул жеда.
ХЪ
Хъалхъас хъипрен далудал,
Чанахъ ала лугьуда.
ХЬ
Хьарни кIанда, тIанурни,
Гьуьрмет ийиз – хатурни.
Ц
Циф алачир цав жедач,
Марф такъвадай къав жедач.
ЦI
ЦIай хъсан я Яранди,
Емиш – гьар са таранди.
Э
ЭрчIи гъилел кIвалахин,
Чапладал  - гуз алахъин.
Ю
Югъ жедалди къарагъиз,
КIекер жеда гьарагъиз.
Я
Ярар-дустар – бул жеда,
Хуьрек алай къул жеда.