За квяцістым лугам,
За зялёным гаем,
Там, дзе ўецца рэчка
Стужкай залатой,
Мы з табой хадзілі,
Мы з табой гулялі,
Калыхалі хвалі
Човен над ракой.
На вадзе - лілеі,
Ля вады – салодка,
А на небе месяц
Ззяе ўсё ярчэй.
Твой пагляд чароўны,
Позірк твой салодкі
Так і просіць лодку
Адвязаць хутчэй.
Я вясло трымаю,
Ты вясло трымаеш.
Аксамітны ранак
Ля вады прыціх.
Я цябе кахаю.
Ты мяне кахаеш.
Нам абодвум разам
Крочыць па жыцці.
Твая хата з краю,
А мая з другога.
Сцежкаю кахання
Нам дамоў ісці.
Пацалунак першы
Чысты перад Богам,
Не бывае многа
Любасці ў жыцці.
Музыка кахання
Над зямлёй ліецца
І плыве над Ланню
Стужкай залатой.
Маё сэрца б’ецца ,
Тваё сэрца б’ецца,
А жыццё ліецца,
Кліча за сабой.
За квяцiстым лугам
© Copyright: Валерий Познякевич, 2014
Свидетельство о публикации №114031910809
Свидетельство о публикации №114031910809
Рецензии