Проста сёньня хтосьцi скрау мой месяц

(на белорусском)

проста сёньня хтосьці скраў мой месяц (выснова)


ты прабач, прабач, мая таварышка
што чужая мне твая вясёласьць
проста сёньня хтосьці скраў мой месяц

я сачыў за ім, ён быў над дахам
а калі я падышоў бліжэй
ён схаваўся па-за чорным гмахам
я быў ўпэўнены, што ён ня зьнік
прытуліўшыся да дрэва, я курыў
а калі вярнуўся зноўку да прыпынку
верыў: варта кінуць позірк угару
і адразу зноў яго пабачу
сонечны адбітак сярод ночы
а калі ня ўбачу, дык заплачу
а калі ня ўбачу, дык памру

і баяўся я зірнуць на неба
і нарэшце паглядзеў з сумненьнем
сапраўды: яго там не было

пляма чорная на сьветлым яго месцы
і ў душы маёй, дзе быў калісьці месяц -
засталася пляма чорная ў душы

і я сеў, засмучаны, ў аўтобус
і праз чорна-люстраную яго шыбу
ўбачыў шыльду я рэкламную "Макдональдс"
а на ёй - курыныя катлеты
да якіх падмалявалі "кур'і ножкі" -
і заўважыў побач жартаўлівы
надпіс "цып-цып-цып, мои цыплятки"
брыдка й сумна мне было глядзець...

вось таму прабач ты мне, таварышка
што чужая мне твая вясёласьць
проста сёньня хтосьці скраў мой месяц

значыць, на зары мяне павесяць