Запаліце
Свечку памяці, прашу вас, запаліце!
Хай сцякае
Белым воскам на свянчоную зямлю.
Памяніце
Сваіх продкаў на магілах, памяніце,
Наша памяць
Не забудзе тых, хто выбраў з глебай шлюб.
Што цурацца? –
Гэта ж нашыя дзяды і нашы мары.
Разгарацца
Нашы свечкі, як паўстанскія штандары.
Будзьма разам!
У яднанні наша моц і наша сіла.
Будзьма разам! -
У час сечы зброя продкаў галасіла.
Беражыце
Памяць тых, каго няма сягоння з намі!
Паглядзіце -
Не крыжы глядзяць на нас, а наша памяць.
Будзьма разам! -
Нас усіх з’яднае воля і Радзіма.
Будзьма разам!
Будзьма душамі і сэрцамі адзіны.
Запаліце
Свечку памяці, прашу вас, запаліце!
Хай сцякае
Белым воскам на свянчоную зямлю.
Памяніце
Сваіх продкаў на магілах, памяніце,
Наша памяць
Не забудзе тых, хто выбраў з глебай шлюб.
Будзьма разам
© Copyright: Валерий Познякевич, 2014
Свидетельство о публикации №114031304642
Свидетельство о публикации №114031304642
Рецензии