Эксперимент

Владыко Вседержителю, Святый Царю! Призри с небесе и виждь, како враждуют людие земли Украины и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людские, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения в Отечестве Украинском.Усердно молим Тя: мир державе Украинской даруй, Церкви Твоей и всем людям земли Украинской и всем народам страждущим от воин. Ты бо еси Царь мира, и мира Твоего несть предела и Тебе слава и благодарение и поклонение от всех да возсылается, ныне и присно и во веки веков. Еще молимся Господу Богу нашему о еже вси распри, раздоры, разделения, вражду и злобу всеконечно в державе Украинской и во всем мире истребити, тишину же народу Украинскому и всем народам даровати и миром вожделенным нас оградити, рцем вси: Господи услыши и милостивно помилуй.

Луиза Луиза   08.03.2014 18:02   •   Заявить о нарушении