Я малюю жыццё
Белай фарбай надзей:
Твой ласкавы пагляд,
Мой расквечаны дзень…
Гэта думак вясна
Ахінула спакой.
Ты была ў маіх снах.
Я быў побач з табой.
Весніх дрэў парасон
Сцёр між намі мяжу.
Дзе тут ява, дзе сон,
Я цяпер не скажу.
Бо прыдумаў цябе
Я ў парыве душы.
Што з малюнкам цяпер
Мне рабіць, адкажы?
Веру -- ты дзесьці ёсць,
Трызніш гэтак, бы я,
Улюбены мой госць,
Лебедзь мараў мая.
Ты ляці па жыцці
Праз расквечаны май
І ў палёце раўней
Свае крылы трымай.
1988
Раманс
© Copyright: Валерий Познякевич, 2014
Свидетельство о публикации №114030804232
Свидетельство о публикации №114030804232
Рецензии