СтIал Мислимат
ЧЕТИН Я, ДУСТ
Теспача яз, кхьиз чIалар,
Вилик фин вун мумкин я, дуст.
ЧIулавналди табагъ чарар,
Шаир хьун лап четин я, дуст.
Гаф акудиз луькIуьрдакай,
Дад хкудиз туьтIуьрдакай,
Дидедин чIал течирдакай
Мухбир хьун лап четин я, дуст.
Вегьемир кам течир рекьиз,
Бейкарбур хьуй рикIел хкиз…
Алахъналди чIуриз, кхьиз,
Ам фарс чIални латин я, дуст…
С-Мислимат. Четин я, дуст
© Copyright: Ахмедпаша Ахмедпашаев, 2014
Свидетельство о публикации №114030707344
Свидетельство о публикации №114030707344
Рецензии