СтIал МИСЛИМАТ
ДАГЪУСТАН Я ЧIЕХИ ХЗАН…
Россия чи - хайи уьлкве,
Къавкъаз дагълар - дере кьакьан…
Дагъустан яз асил-бине,
Гзаф шад я къе чи хзан.
Къумукь, татар, авар, лезги,
Табасаран, урус, дарги…
Тефир авач, сад яз вири.
Гьуьрметлуди я чи хзан.
Чидай гьахъни гьарам, гьалал,
Нагьакь рекьиз тевгьидай кам,
Намус чIехи, крар тамам,
Нифретлуди я чи хзан.
Сад мих, тахта, ракь гатадай,
Сад ник, бустан, багъ кутадай,
Сад циферлай рехъ кутадай…
Къиметлуди я чи хзан.
Марифатлу гьар вядедиз
Вафалубур яз дуьньядиз,
Ухшар авай руш гададиз,
Гьунарлуди я чи хзан.
Гзаф зар-зур алаз вичел
Хзандин йис агакьна чал…
Къарагъарай дуьнья кIвачел,
Гьунарлуди я чи хзан.
Чи хзандин са паюнкай
Хкахь тийир гъетер хьанва.
Гьар дереда амайбур(у)кай
Шегьерарни хуьрер хьанва.
Стал. Мислимат. Дагъустан я чIехи хзан...
© Copyright: Ахмедпаша Ахмедпашаев, 2014
Свидетельство о публикации №114030706237
Свидетельство о публикации №114030706237
Рецензии