Бабуля мая Надзея
Прала кудзелю ў нядзелю.
Пальцамі нітку зьвівала,
Песні пра долю сьпявала.
Доля, сялянская доля -
Праца ля хаты і ў полі.
Неба ад працы той стогне -
Рукі ж не ведаюць стомы.
Дзівіцца сонца з бабулі-
Колькі ж ёй трэба цыбулі?
Вецер у вочы дзьме коса -
Колькі патрэбна ёй проса?
Ціха шапочуць ёй свечкі:
Досыць стаяць каля печкі!
І толькі старая кароўка
Вітае бабулю з даёнкай,
Бо ведае, што без надою
Не будзе ў бабулі спакою:
Заплачуць галодныя ўнукі -
А як жа пабраць іх на рукі,
Калі тыя рукі ад працы
Не могуць за ноч распрастацца.
Доля, сялянская доля -
Праца ля хаты і ў полі.
2014
Бабулi Надзеi
© Copyright: Валерий Познякевич, 2014
Свидетельство о публикации №114030703469
Свидетельство о публикации №114030703469
Рецензии