Калі зорак дзіўны вальс
Паяднае ў поўнач стрэлкі,
Новы год закружыць нас
Ля прывабна ўбранай елкі.
І бакалаў дзіўны звон
У загаданным жаданні
Спраўдзіць ночы зорны сон,
Спраўдзіць новы дзень світальны.
Прыпеў:
Новы год, Новы год,
Час усмешак і прыгод.
Канфеці сняжынак белых
Абсыпае нас нясмела.
У зямлі – дзень нараджэння -
Паспяшайце на вяселле!
Вас закружыць карагод:
Аксамітны Новы год.
Павіншую ўсіх сяброў:
З Новым годам,
З Новым годам!
Хай гучыць крыштальны звон,
Хай святкуе ўся прырода!
Павітай празрысты снег,
Павітай зямлю са святам!
Калі ўчуеш побач смех -
Запрашай гасцей у хату.
Прыпеў: (паўтор)
Там даўно накрыты стол.
Зіхаціць агнямі ёлка.
Льецца песен хараство
І гучаць келішкі звонка.
Цуда - казка. Цуда-ноч! –
Прыгажуня, таямніца...
Ад яе не звесці воч,
Ад яе зямлі не спіцца.
Навагодняя
© Copyright: Валерий Познякевич, 2014
Свидетельство о публикации №114030510367
Свидетельство о публикации №114030510367
Рецензии