1.
Куьн такурла, рагъ алай югъ серин я,
АцIай суфра вилик кваз, заз гишин я.
Куьн галачиз тухузвач зи рикIи фу,
Гьикьван куьн заз, ярар-дустар, ширин я!
2.
Зи лезги чIал аламатдин цIерид рангун гибе я.
Багъишайбур а гибе заз Сад Аллагьни диде я.
Гьар са халкьдихъ ава, гьелбет, ихьтин гуьзел гибеяр,
Амма зи чIал - зи Лезги чIал виридлайни вине я!
3.
Инсандин рикI къван туш чигед стIал я,
Ширин гафар адаз чими партал я.
Къванер гьалчна рикIин гуьгьуьл хаз тахьуй,
Гафар ширин, крар туькьуьл яз тахьуй!
4.
Эй, инсанар, куьн я ухшар цуьквериз...
Атирлу хьухь, уьмуьрдиз це берекат!
Мерд инсанар, ухшар я куьн гъетериз,
Хкахьдалди, экв гуз чилиз гьерекат!
Мои рубаи на лезгинском яз
© Copyright: Ахмедпаша Ахмедпашаев, 2014
Свидетельство о публикации №114022609767
Свидетельство о публикации №114022609767
Рецензии