ЖызоIэж

     1
Коммунист партыр меланырыбжэт,
Членуэ хэтым, тхьэ яIуэрейт,
Щэбэтымрэ тхьэмахуэмрэ зыкъыдагъахуэрт,
ЦIыхухэм къамыщIэу яхуэщIэр, яейт.
Винт фIэкъузауэ бэр зыгъэлажьэхэм,
Я конституцэм гъуджэу укъищт,
Статья кущIафIэхэм урижыIэщIэу,
Махуэм сыхьэтийкIэ уагъэлэжьэнут.
Ара пэтрэ, къыздикIар къыпхумыщIэу,
IэбжьанэфIейхэм дунейр зыIащIэрт,
Бахъсэн бэзэрым узэдауэ укIуэм,
Атэмнэ бомбэ къыпхуэщэнубут?
Ахьэй, фо бжьэматэу цIыхухэр лэжьатэм,
Къэралыр къулейэ псэунри хэлът,
Итхьэлэт СССР-р припискэм,
Ильич и партым зыгуэр хуэчэмт.
Къэралым щекIуэкIым пэIэщIэ зыпщIым,
Пшхын умыгьуэту укъэнэнри хэлът,
Псоми ялэжьым щэцыкуэу ухэпщIэм,
УигьащIэкIэ узыхуэмейхэм урапэшэгъут.
Къарэ нэхъыбэу гукъеуэ къезытыр,
ЖаIэмрэ, ящIэмрэ зэрызэтемыхуэрт,
Хуабжьэу хигьапльэт си ныбжьэгъужьыр,
Припискэ щIэмычу зэрищIым.
      2
КIыхь сымыщу си таурыхъыр,
Кьарэ сфIэфIт фэзгъэцIыхуам,
ЗэрыжIау, щIакIуэ лъабжэм,
ЛIы къыщэкIым флагъунщ.
Ди адэжь хэкум цIыху щэджащэ,
Зэи къемещIэкIыуэ щытакъым,
Ауэ сытми тхыдэфI диIэ,
Къытщхьэпэну дыхуэсакъым.
А жыхуэсIыр зэи темыкIыу,
Си ныбжьэгъум телът и напщIэм,
Къызэралъхурэ адыгэпсэу,
Арат дауи ар щIэщытыр.
Жыжьэу къаплъэхэм ялъагъуу,
Щыпсэут Къарэ Къэбэрдейм.
     3
Сэри си щхьэм мыгъуэ хуэсхьу,
ЩызиIа зэман къэхъуащ,
Процентовкэ стхырт схуэмыхъуу,
Бжыгъэ нэпцIхэр щэгьэщхьуау.
IитIымкIи зэхуэдэу дахэу,
Абы лъандэрэ сотхэф,
План пщIын х у е й у пщэрылъ къыпхуащIым,
Хэплъхьам и щхьэр, - гъэзэщIэф.
Зэхьэзэхуэу дыщылажьэм,
Лыжь тшхырейуэ дыщIытащ,
Премиер унэм тхъыу щытакъым,
«Берег» шхапIэм къыщэднащ.
Хъуэхъу жытIахэм и Iэужьу,
Иджы щатх абдеж нэчыхь.
     4
Iэмалшыхэм а зэманым,
Я щхьэ бжыгъэр мыкуэдатэм,
Хэтыт кIуэнур рестораным,
Уарэшырэуэ щысыну.
Ауэ щыхьукIэ дэрнэмщIи,
Жьыу лэжьапIэм кIуэхэм,
Уафэм вагьуэ кърапхьуэту,
Яхатт куэду зыхуэщIыхьэ.
ТцIыху здэщысым бжьэ едгъэхьу,
Къари, сэри дыжумартт,
Дызэджахэр къытпэджэжти,
Дырикъуа пэт, къахьар итфт.
ИкIэм деж дыхьуау зы Iэнэ,
Зэш-зэбыну дызэхэкIыжт.
     5
ЦIыхум псынщIэу щхьэкIэ къищтэр,
И файдэ зыхэлъыращ,
Процентовкэр гукIэ итхыу,
Къари асыуэ щытащ.
Ди Iэдакъэм къыщIэкIар,
Дэдиу кудрэ къедмыхьэкIыу,
ЗанщIэу етт дызхуэлэжьами,
Зилъэф пэтми, Iэ тридзэрт къыкIэлъыкIуэнущ.
Быдэу лъабжьэ ямыщIау,
Льагэу унэ дращIейкъым,
Дауэ хьунуми къэралыр,
Елъытат, а зызылъэфхэм?
Мыхъурыр, мыхъурыр сейфым дэлъу
Ахэрат зыIыгъыр.
     6
РексфедеркIэ лэжьахэр,
Къыпхуимыхыу тхэркъым,
Джэдльакъуэ перокIэ,
Хьэрф мелуан ятхащ,
Жэщ псом ящIа чертежыр,
«Мыхъуауэ» къыхуадзыжыуэрэ,
Инженерхэм я гур
Тушу уфIыцIащ.
Ерыщу еджа Къарэ,
Iуэрыуатэу игугъу щысщIкIэ,
Си гум къредзэжыр,
Студент гъащIэ дахэр.
Абы, къэгъазэ имыIэу,
БлэкIамэ упыкIащ.
     7
Къарэ деджа щIалэхэм,
Псоми ттелъщ и щIыхуэ,
Хьэуэ къыджимIэу,
Ар къыддэIжпыкъут.
Егугъуу еджэ цIыхум
Зэманщ нэхъ хуримыкъур,
Ар Iуэхум зэи дэджэгукъым,
Гум нэсу егъэзащIэ.
Махуэм сыт ищIэнуми,
Тур тещIауэ иIэщи,
Чэзууэ зэпегъувэри,
Зи палъэ къэсар ещIэ.
     8
НэщэнэфIхэр схузэхэмылъхьэуэрэ,
Зыкъомрэ гугъу сехьащ,
Къарэ щапхъэ тесхыуэрэ,
ЦIыху щыпкъэуэ сыIуащ.
Жылэм ухэгуоуэу
Ар жыпIэну къекIукъым,
КъыщIэкIым сыщыауэ,
Си судыр ткIийу ящIэнщ?
БалигъыпIэ уиувауи
Зыбгъэсэну кIасэкъым,
Бэлауд ухъу! – жаIэу,
ЦIыхухэр фIыкIэ къощу.
Уэ, – умысэхъуам,
Хасэм и бжэр пхузэIухащ.
     9
Инженер Iэгуахьуэ
ЩыIэми зэрызыхэщ,
Я нэхъ хуэмыхуми,
Линейкэ тридзэнущ.
Чертеж хьэзырыр
Сытым хуэдэу щхьэпэ:
Аракъэ фIыр, зэпару тебудыну…
Е армэм удэкIын,
Е гупыж пщIыу уейджэн,
Уэхьиуэ уафэм укъехами,
А тIурат уиIэр узхэдэну.
Къари, сэри,
Стипендие къэтхьу деджэрт,
Дымыпэрытми, дыкурыытт.
     10
ФIыщ студенту ущытыну,
Адэ-модэ куэд хэмыту
Уи къэлэныр белджылыщ.
У жейнэдым гугъу уехъынущ:
Уэ птхыжау конспект уимыIэу.
ЩыжыпIэни пцIы къэхъунущ,
«Къопхъуэу хьэ» - уигъэгувау.
Фэ фи дежкIэ мафIэгу блэкIыу,
УиIыгъау аби, хуэзэнущ.
Iуащхьэмахуэ удэкIауи,
Уэс укхъуэм укъелынущ?...
Бзаджэт, амалшыт
Дэ дигъусэу еджа Сашэ,
Шыпсэур кIуэжау Израилым.
     11
ФIыщ студенту ущытыну,
БалигъыпIэм уиуварэ,
Лъапэ махуэ гъащIэм хэпчэу.
Щыт къыпфIощI зэманыр мыкIуэу,
Iэтэ ину, къыхуимычыу.
Гуауэращи, ар нэфIэщIщ,
Зэманым шэрхъыу щIэтыр
Гъуанэ пщIыми пщэхкъым,
Здэжэм укъепкIэнущи,
Уэ у каскадеркъым.
Гъуэгум мывэ телъу
Тепхымэ уи псапэщ,
ЦIыхухэр зыщIэзгъэплъу,
Зэманым сыщIонакIэ?
     12
ФIыщ студенту ущытыну,
Лекцэ тхыным уиущигуами,
Мэкьу щIыхьэху укIуакъым,
Махуэм Iуэхухэр къепхьэлIам,
Тет зыпкъуэтэу «Пятачокым».
Илъэс куэд декIау,
Уи блэкIам игугъу щыпщIыжкIэ,
Ар амал имыIэ щыткъым,
Уи жумыIэжынкIэ…
Ей адыгэ, «нанэщ» жыхуэсIэр,
Ар уй жьыщхьи фIыуэ лъагъу,
Уи гъуэныгъуу ар щыблэкIкIэ,
ПщIэжрэ уткIууэ щытаи.
Иджы къуэбын-щэбын ухъуаи!
     13
Щхьэ зыфIэтым и насыпщ,
Лейуэ баш къиIэткъым,
И гум жиIэм и жыIэщIэщ,
Iэнкуну чэнджащэкъым.
Къарэ щеджэм, «Пятачокым»,
ТхьэIуухуд къытехьэхэм,
Сэ сахэплъэм гур сIэпихт,
Псори зэщхьу дахэт!?
Зым и щхьэцыр кIыхьт,
Адрейр пIырыпIт.
Мори, мори Iэдийихут,
Зэщхьыу, есхэу кIуэрт.
Си ныбжьэгъур зэщэр - зыт,
Абы куэд и щауэт.
    14
ЦIыхум фыуэ ухуэщытым,
Дэнэ кIуэн и дзыхь кгуегъэз,
Езым пфIэтым зы шхьэ гуэр,
Ар уэ пщIынкъым псоми хэз.
Щэху зыбзыщIу емысам,
КъытещIэнкIи мэхъу ар уафэу,
ХуэгъэкIуэж уи псалъэр шыпсэм,
Къыбжьдэхуам, бжьэ ипфу.
«Пхъу зиIэм къуажэр и малъхъэщи,
ЩIалэ зиIэм, жылэр и нысэщ»,
КъыкIэлъыкIуэнущ.
Iуэхур зыщIыпIи нэмысауэ,
Дауэ бгъахъыбэрын.
КьуэрагъкIэ ухэмыуи,
ХьэгъуэлIыгъуэ ухэсынщ.
    15
ФIыщ студенту ущытыну,
Япэ курсыр хэзыгъэгъуазэщ,
ЕтIыуанэр уи щхьэузыхьщ,
Ещанэр тIу ипщIыкIым,
Алъпым здэжэм ушэсащ!
Лъыпэ къибгъэжыну пасэщ,
Уэ иджыри у студентщ,
Дауэ щымытми сессиер – сессиещ,
УщIэбжьахъуэм ум емыкIущ.
Жэщым ущыжейкIэ
Къохьу дипломым ущепщIыхь,
Ар уэ зэ кIэ къыпIэрыхьэм,
Ухъуну, занщIэу IэщIэгъэл?
Дунейижьыр гугъущ.
    16
ФIыщ студенту ущытыну.
Махуэ кьэс шхын хэдэ пщIыу,
Лы уагъэщIу уамыIыгъми,
Е «Гренадэм» е «Нартыхум».
Я бжаблэм плъокI уикIын,
ХъуэрэIусу* унэм къуатым,
Уи стипендиер къигьэбатэм,
ПIастэр фIыу хэгъауи щыпсым,
ЛыцIыкIулыбжьэр хъунщ къэуат.
ЦIыхур ящэ-къащэхужу,
Уасэ зиIэр: фIыуэ шкэт
И кIэтIийр и лъэпсу
Ар щIэщIащ лэжьэнущ.
     17
ШхэнкIэ Къарэ нэхъуеиншэу,
Зэи щытауэ сщIэжкъым,
Анэкъилъхуу къыбдэгуащэу,
ЩIакхъуэ Iыхьэр тIуу игуэшырт.
ЗэрымыщIэкIэ пшахъуэщIым,
Ар уигъусэу укъыхутэм,
Псым уияпэ сиIуэхут хэфым,
И псыхуэлIэр иригъэкIыу.
IэштIым гъушэкIэ дызауэу,
ГъэунэхупIэ дыщихуам,
Мыхьыр тхьынут дэ тщыщ куэдым,
Ар лIыгъэншэу къыщIэкIам.
КIыэрэкIуэсэжу зызыгъэфар
ИгъэкIуакъым Алыхьталэм
КъыкIэлхикIуэнущ.

*ХъурэIус - дополнительная плата продуктами.