Men – sarmast qalandar, men – bir devona
Zulmat saxrosida kezgum har yona
Yolg`iz sharob sokinlik berar tanamga
Undan boshqa hech ne kerakmas menga
Kazzoblar bilmayin asl holimni
“Mast, aroqxo`r shoir” deyishur meni
Sharob – mening yurtim, mening dunyoyim,
Tark etolmaydigan qasrim, saroyim.
Do`stim, sharob ila to`ldir finjonni,
Yuvsin qalbdagi dardni, g`amni, xijronni.
Lek sharobning yolg`iz aybi bo`lgaydir
Ozgina muddatga qanot bergaydir.
U bergan qanotla samoga ucharsan
So`ng fursat o`tib yerga qayta tusharsan.
Men – sarmast qalandar, men – bir devona
Zulmat saxrosida kezgum har yona
Oxiratda Alloh meni so`roq qilgaydir
Men asli kimligim yolg`iz o`zi bilgaydir…
Sarmast qalandar
© Copyright: Амир Аль-Шуара, 2014
Свидетельство о публикации №114020803053
Свидетельство о публикации №114020803053
Рецензии