Сажидин
Заз лезгияр сатдай эвел,
Чир хьайиди, умун сивел
Милаим хъвер акур инсан;
Гьам перевод, чIалар хъсан,
Дишегьлидин тIвар я Гуьзел!
Заз а касди гуьрчег тирвал,
Гьар са цIарцIин керчек тирвал,
Акур чIавуз квачир нукьсан,
Дидедин чIал икьван масан,
Дишегьлидин тIвар я Гуьзел!
Вине кьунвай диде-буба,
Дагъларилай кьакьан зурба;
Мягькемди хьун патал хизан,
Гьар са мисал – ширин гузан,
Дишегьлидин тIвар я Гуьзел!
СтIал шаир Сажидин сад
Туш и кардал хьанвайди шад.
Лезги чIални диде Ватан,
Чаз и кьадар авунвай кIан,
Дишегьлидин тIвар я Гуьзел!
Гуьзел вахаз
© Copyright: Сажидин Саидгасанов, 2014
Свидетельство о публикации №114011405936
Свидетельство о публикации №114011405936
Рецензии