Гьаким Къурбанан 75 йисаз
Пудкъадни цIуд ятIан яшар,
Вун жегьилдиз язма ухшар.
На теснифай багьа къашар,
Багьа я чаз Къурбан Гьаким!
Вуна чIугур кьадар зегьмет,
Лезги халкьдиз авур гьуьрмет,
Чи несилриз жезвай кьисмет,
Багьа я чаз Къурбан Гьаким!
Къарши ийиз экуьн ярар,
Илимдин ахъайна варар.
На къуьнерал кьунвай парар,
Багьа я чаз Къурбан Гьаким!
ЧIалан устад, еке ариф,
Тарихдикай авур тариф,
Гьар са ктаб, хатIар зериф,
Багьа я чаз Къурбан Гьаким!
Гьам зари яз, алим хъсан,
Къадирлу зегьметчи инсан,
ХьайитIани мад виш йисан,
Багьа я чаз Къурбан Гьаким!
Ваз гьуьрмет ийизвай шаир Сажидин!
Мубарак
© Copyright: Сажидин Саидгасанов, 2014
Свидетельство о публикации №114011411521
Свидетельство о публикации №114011411521
Рецензии