Зун чахмахдин къван я, гьулдан акьурла,
Кьуд патахъди чукIур ийир цIехлемар.
ЦIийи тир багъ кутун патал акIурна,
Шумуд ни сад, бегьер гудай къелемар.
Зун чахмах я, лигим хьанвай бедендин,
Душманрин тIем къвен тийидай дагъ я зун.
Халкьдин никIе цанар цадай куьтендин,
Са чIавузни цIаран тийир магъ я зун.
Зун чахмах я, зи далудихъ халкьарин,
Захъ тик, кьакьан Шагьни Шалбуз дагъ ава.
Чахмах ятIан. зун арада ракьарин,
Зи хуруда туьхуьн тийир рагъ ава.
Зун чахмах я кичIе тушир ракьаркай,
ГъвечIи ятIан хура чIехи рикI авай.
Заз кичIе туш я цIукай, я муркIаркай,
Я хъуьтIеркай, саврухрин муг цIиг авай.
Зун чахмах я, агъзур сарин битав яз,
ЦIехлемрикай туьретмишай инсан тир!
Зун къекъвезва, кьил тик кьуна, кинтав яз,
Чандилайни намус багьа, масан тир!
Зун чахмахдин къван я, ракь я, гьулдан я
© Copyright: Сажидин Саидгасанов, 2014
Свидетельство о публикации №114011108601
Свидетельство о публикации №114011108601
Рецензии