Мубарак хьуй, рагъ, ваз ц1ийи ишигъар,
Ч1иж,ваз цуьквер, п1инид тарал экъе1дай.
Мубарак хьуй, билбил, вазни авазар,
И гатфариз сифте лугьуз эгеч1дай!
Виш йис хьанвай къужадизни къе и югъ
Тебрикзава бахт хъуьрезвай чилел за.
Жегьил бубад гъилераллай биц1екдиз
Лугьузвай ч1ал атана зи мецелла.
Чубан гада гъилералла инсанрин,
Къе зегьметдин игит я ам, чи къуччагъ.
Мубарак хьуй бул бегьердив ац1анвай,
Багъманчи, ваз жуван гъилел кутур багъ!
Мубаракрай, Чилин вик1егь рухваяр-
космонавтар-гьайиф текъвер къуватар.
Гележегдиз мягькем камар къачузвай
Инсанар, квез рик1еравай мурадар.
Кьабул ая, чеб зи рик1ин ялав тир,
Саламар,гьак1 чими гьисс зи гафарин.
Ишигълу рехъ хьуй квез, дустар, мубарак.
Мубарак хьуй къенин сувар гатфарин.
1 мая 1976 года
Мубарак хьуй...
© Copyright: Камил Акимов, 2014
Свидетельство о публикации №114010910285
Свидетельство о публикации №114010910285
Рецензии