ЦIийиз гъайи булахдиз

И мукьвара зизикви Мурад Кемерова, вичин такьатралди, хуьруьн жемятди, саки 2 км яргъай, михьи цин булах гъана. Хуьруьн кьулал, вирида яд къачудай булах патал, акур касдин темягь фидайвал, ягъай гъванерикай устIаррив гуьрчег шикилдиз гъана, хъсан имарат эцигиз туна.
И хъсан ва баркаллу кар шадвилин къайдада къейд авун патал, кьиле Суле-Стальский муниципальный райондин кьил Нариман Шамсудинович Абдулмуталибов, райондин актив галаз, булах ачухна, ам арадал гъайи Мурадан бубадиз, ихьтин кьегьел хва тербияламишунай чухсагъул лагьана. Анал рахай юлдашри и кьегьел хциз чухсагъул лагьана, за анал и шиирдин цIарар лагьайдалай гуьгъуьниз еке шадвилер авунай.

ЦIийи-цIийи дараматар,
ЦIийи-цIийи кIвалахар;
ЦIийи-цIийи имаратар,
ЦIийи-цIийи булахар.

Зизик хуьруьз  булах хьана,
Кьиле аваз Мурадин!
Ажеб хъсан  кIвалах хьана,
Мишреб КIварчагъ дередин.

Чи эллерин гьар цIийи югъ,
Физва цIийвилихъди!
Хайи халкьдиз ийиз къуллугъ,
Камар къачу виликди!