Дерин гьиссерин,
Ширин сесерин,
ЧIалар кIанда заз
Цацар хилерин,
Къизил гуьллерин,
Валар кIанда заз.
Гегьенш чуьллерин,
Цайи чилерин,
Хвалар кIанда заз.
Азиз эллерин,
Мехъер-мелерин,
Гьалар кIанда заз.
ХъуьтIуьн халийрин,
Къацу афнийрин,
Салар кIанда заз.
Хайи уьлкведин,
Ягълу некIедин,
Малар кIанда заз.
Нехиш чангарин,
Гуьрчег рангарин,
Шалар кIанда заз.
Гибе, гамунин,
Рухвар табунин,
Гъалар кIанда заз.
Дагълар булахрин,
Аран кIвалахрин,
Калар кIанда заз.
Канабрин фин квай,
Чандик ифин квай,
Калар кIанда заз!
КIанда заз
© Copyright: Сажидин Саидгасанов, 2014
Свидетельство о публикации №114010507659
Свидетельство о публикации №114010507659
Рецензии