Чаз гьар садаз ганва са пай кьисметдин,
Пешеярни ганва гьар са жуьредин.
Веледар яз къадим лезги миллетдин,
Векилар яз женнет макан Куьредин.
Шииратда квехъ са квез хас хатI ава.
Абукевсер авахьзавай булахдай.
Пехилрин вил алукь тийир хат ава,
Анжах рикIин буйругъдалди кIвалахдай.
Дустар патал затIни гьайиф текъведай,
Инсанвилин багьа я ваз лишанар.
Дустарилай шикаятиз къекъведай,
Чи арада гьат тавурай явшанар.
Вафалу хьун патал диде Ватандиз,
Намус михьи ипек хьунухь герек я.
Дуствал-жагъин тийир бахт я инсандиз,
Дуст-дустунин эрчIи гъил я, са экв я.
Сажидиназ сагъвал я ви кIаниди,
Мад адалай гъейри мурад захъ авач.
Шаирар хьун патал ятIа хайиди,
Чахъ масакIа вилик фидай рехъ авач!
Дуст Майрудиназ
© Copyright: Сажидин Саидгасанов, 2013
Свидетельство о публикации №113123108166
Свидетельство о публикации №113123108166
Рецензии