70 йис юбилей мубарак яз
Билбилрини яб акализ, кис хьана,
Заз дагъларни уях хьайид хьиз хьана.
Булахрини мани ягъиз къванерив,
Цав ацІурай музыкадин сесерив,
Баркалла чи Мегьамед Гьуьсейноваз!
Хайи Ватан Хъуьлуьд ва Фалфан ятІа?
Макьамринни манийрин тІурфан ятІа?
«Шарвилиди», пак «Эминан» эсерар,
Чаз багъишай берекатрин бегьерар,
Баркалла чи Мегьамед Гьуьсейноваз!
Дагъви халкьдин руьгьдин сирер эллерал,
Агакьариз алахънавай сесерал,
Вири халкьдин патай чІехи гьуьрметдай,
Галат тийиз чІугур кьадай зегьметдай,
Баркалла чи Мегьамед Гьуьсейноваз!
На теснифай «ИчІерин хуьр» макьамдин,
Ван япара ава гьар са макъамдин.
Сажидина, куьне чІугур азабдай,
Акъуд авур гьар са хъсан ктабдай,
Баркалла чи Мегьамед Гьуьсейноваз!
Мегьамед Гьуьсейноваз
© Copyright: Сажидин Саидгасанов, 2013
Свидетельство о публикации №113123007996
Свидетельство о публикации №113123007996
Рецензии