Суал ганай Хайямаз:
«Эхир кьил ви гьикI жеда?»
«Уьмуьрдихъ вил галамаз,
ФейитIа зун – йикь жеда,
Амма зи сур цуькверин
Юкьва жеда,»-лагьанай.-
«Ашкъи авай рикIериз,
Мукьва жеда,»-лагьанай.
«Зи шиирар-аятар
Хьиз виридаз чир жеда.
Кхьей кьван насигьатар-
Эл-алемдиз сир жеда.»-
Валлагь Омар Гьайяман
Вири гафар гьахъ хьана.
Векил яз дегь аяман,
Туьхуьн тийир рагъ хьана.
Дуьнья амай кьван чIавуз,
РикIел хуьда элди ам.
Хкаж хьанвай руьгь цавуз,
Чуьхуьзва пак целди ам.
Сад Аллагьди гайиди,
Гьикьван гуьзел аям я?
Пак шаир яз хайиди,
Шаксуз Омар Хайям я!
ЧIехи Омар Хайямаз
© Copyright: Сажидин Саидгасанов, 2013
Свидетельство о публикации №113123007795
Свидетельство о публикации №113123007795
Рецензии