Амри стха, рикIел хкин жегьил вахт,
КъекъвенайтIа чун гьи саягъ чуьллера!
Уьмуьрдикай багьа тир затI – къизил вахт,
Яз амазма чи таярин рикIера.
Школаяр, чIехи кIелун-кхьинар,А
Дяведин вахт – чи чинраик квай серинар,
Илимдин рехъ, фан ери тIуьр ричIинар,
Гишинбур чал гьикьван гьалтдай рекьера?
Азабарни азиятар алатна,
Декьикьада акъвазнач чун галатна,
Илимдикай кьуна мягькем алат на,
КIвалахнайтIа, шумудни са хилера?
Хкаж хьана тик кукIвариз илимдин,
ТIвар машгьурна паквилелди алимдин.
Гьуьрметлу дуст яз Сажидин муаллимдин,
Багьа я заз шумудни са гъилера!
Амри стха
© Copyright: Сажидин Саидгасанов, 2013
Свидетельство о публикации №113122907233
Свидетельство о публикации №113122907233
Рецензии