Лезгистандин дагъни аран, дереяр,
Пак Женнетдин маканар я, Шарвили!
Хуьн паталди душманрикай къелеяр,
Шагьни Шалбуз-кьакьанар я, Шарвили!
Ви туруни дагъ атIуда алмасдин,
Алпандин цIал къилав ганвай, Шарвили!
Гияр, Куьре, Самур, Къуба, Хачмаздин,
Сенгерар хуьз, ялав гаанвай, Шарвили!
Ракъар, варцар, эй Эренлер, эй эллер!
Чун куьн Пак тир невеяр я, Шарвили!
Чаз дакIанбур – чIурзавайбур чи кIвалер,
Душманвилер, дявеяр я, Шарвили!
Чан Шарвили, Шарвили,
Вун Шагь дагъ, Шалбуз яни?
Вун галамай кьван ферли,
Лезги халкь ялгъуз яни?!
Чан Шарвили
© Copyright: Сажидин Саидгасанов, 2013
Свидетельство о публикации №113122804452
Свидетельство о публикации №113122804452
Рецензии