Айнеджи тильки

Бир дагъда тильки яшай,
О, пек чокъ чипче ашай.
Эр сабадан акъшамгъадже
Озюне ем къыдыра.
Чокъ алдата эпсини,
Пек айнеджи бу тильки.

Бир кунь хурназ тилькичик
Тапты уфакъ ювачыкъ.
Ювада чипчечиклер
Анасыны беклейлер.
Тилькичик яваш кельди,
Ювада чипче корьди.
Муляйим сеснен тильки
Чипчелернен лаф этти:
"Насыл гузель чипчилер,
Анасыны динълейлер,
Ювадан ич чыкъмайлар
Ве ерге йыкъылмайлар!"
Бир чипчечик башыны
Ювасындан узатты.
О, озюни туталмай
Ве ерге юварланды.
Тилькичик вакъыт джоймай,
Чипчечикке адымлай.
Гъарипчикни аджымай,
Буюк истекнен ашай.

Инанманъыз тилькиге,
Ялан айта о сизге.

              2001с.


Словарь:

айнеджи тильки - хитрая лисица
бир дагъда яшай - живёт в одном лесу
пек чокъ чипче ашай - ест много птенцов
сабадан акъшамгъадже - с утра до вечера
алдата эпсини - обманывает всех
хурназ тилькичик - хитрая лисица
тапты уфакъ ювачыкъ - нашла маленькое гнёздышко
муляйим сеснен - милым голосом
насыл гузель чипчелер - какие чудесные птенцы
анасыны динълейлер - послушные детки
ювадан ич чыкъмайлар - из гнезда - никуда
башыны ювасындан узатты - высунул голову из гнезда
о озюни туталмай - не удержался
ве ерге юварланды - упал на землю
вакъыт джоймай - не теряя времени
чипчечикке адымлай - направилась к птенцу
чипчечикни аджымай - не жалея птенчика
буюк истекнен ашай - с большим удовольствием съедает
инанманъыз тилькиге - не верьте лисе
ялан айта о сизге - она говорит вам неправду