Мегьамед Ибрагимоваз.
Пак суфрайрик няметар кваз
П1узар хъуьрез,ширин рахаз
"Ильгьамдин сегьер" ктаф гваз
Ша,илиф вун Хуьрелдал!
Ваз и хуьре дуст ават1а
Вун кьегьал пак лезги ят1а
Заз эгер гьуьрметзават1а
Ша,илиф вун Хуьрелдал!
Цуьк акъатай багълар авай
Цуьквер хьтин рушар авай
Вич женнетдих ухшар авай
Ша,илиф вун Хуьрелдал!
К1анзават1а ваз хайи эл
Акъвазмир кьве рекьин сивел
"Хуьрел" т1вар алаз ви мецел
Ша,илиф вун Хуьрелдал!
Зи Хуьрелар женнет багъ я
Пакам серер пак са рагъ я
Ам к1анибур даим сагъ я
Ша,ша,илиф Хуьрелдал!
"Билбил" ктабдай.
Ша, илиф вун Хуьрелдал!
© Copyright: Владик Батманов, 2013
Свидетельство о публикации №113121805418
Свидетельство о публикации №113121805418
Рецензии