Частушки на кадарском языке

***
ЧIянкIализе бакIиле,
Хугина гIяхIял кьахIа,
ХIу гьадиризунхIале,
Жирдулхъан бекIла мехIа.

***
Хъали барибил гъяйзе,
Чят бяхъиле цаб лусуй,
Эшти шима къадарунт,
Арц букIуле цаб бусуй.

***
Назму халбируй гъяйзе,
Ручкаличу цаб лукIуй,
Къадарунтис муэлзе,
Арц цари гьадидилзуй.

***
ХIярамт дузяхъибил халкь,
Бисур, жагьнамизакан!
ХIабугьес нам хугил хIакь,
ХIуша шатдарнилзакан.

***
Дигахъибил бекIизе.
Амрули бурарара?
Рахле тяйди икале,
Дия цIелда пIайбара.

***
Закикан заб дарале,
Дегъил гонза шинбурар,
ХIу дигахъуй эш уркIи,
РахIят бегIел хIабурар.

***
Раши рурси аркьяхIа,
ХIамхIаличу дузани,
Ну хIинил дигуй левкIан,
Паравараб  буцIани.

***
ХIуебла ша бягъиле,
Жегой вавне дакIиле.
Кина царри къадаран,
Нам мякьла хIаракIиле?

***
Дигу-дигуй бурару,
Дигуй амру рурару?
Ну дигуй хIу хIасале,
Нам гонагь хIабурару?

***
Дигили игуй гъяйзе,
Даргамача дацIиле.
Валлагь арукьабри хIу,
Ну кейъале, рацIиле.

***
БекIизе дигахъибил,
Амрули бурарара?
Бурагъа гьей къадаран,
Ну урхIис валтулрира?!

***
Сагай саримт дариша,
ХIушара гьандушиша,
Дия дигахъуй регIел-
Нам мякьла цен гатиша?

***
УмцIуле дигила дармайке,
Вягъиле уус азир хъайке.
Эшцада умцIхIамцIахъиле,
РакIиле ряхIму бара намке.

***
Дия унзала ахъу,
Леб гIярчатIила пукьа.
Валлагь хIабалас рурси,
Цес уркIи бируй кьакьа.

***
Валлагь иле хъя бирис,
Кьурайкера марририс,
Эшти саримт делкIува.
ХIу намке гьашикь ририс.

***
ТIуйзе занзи атIале,
«Ай-аман» гъавгъа дирхъу,
ХIу уркIилзела ракIале
Чархли чидам хIабиру.

***
Дигила цIа лабкува,
Чархла гьар биркIантике,
Гьанна нура ватува,
ТIаррукIуду урхIике?!

***
Шагьалзе ну вашусра,
УркIи гьамадбухъахъес,
Лебу ахIдеш вашуле?!
ХIаврусра хIу хъумартес.

***
Нуни саримт лукIулра,
УркIи гьамад бухъахъес,
Лебил хIубукIла иго,
ТIариле делкIес хIатес.

***
Дубуликела мазре,
Дугуле дуар кьали.
Диркуледарчи бузре,
Мякьла хIякьдухъали?

***
ДуцIрумла ша багъале,
Дахъол цIедехьме дялхIян.
Дусмаке бягъибхIале,
Къадала рурсбе бялхIян.

***
Ца хIаке цар тIардукIуй,
Аллагьли гибил хIулбе.
Багьен хIуни хIадумсуй,
ХIатI саримт лукIуй тIулбе.

***
Бухъянил дубулике,
ХIуеб дяхIи хIабицIур.
ХIу ряхIрикале дике,
УркIила хIяли бицIур.

***
Бурагъа, цай гъай бура,
Цес хIу шипIле рууда?
Ганздариле дигира
Ну хIуни цес руръада?

***
Рахле забли хIарзале,
ГъутIбе дергъосбес мигла.
Рахле хIу кераъале,
Иза бурхар дигила.

***
Шила шанте гъайбукIар,
Сарим бурес вакIале.
Дия хIулбе тIардукIар,
Ругьалера хIу гьахъле.

***
Ишбари сарим бурис,
Камил кеп-кеп угьуле,
Дигахъуй рурси рурцис,
КIантIал уруз хIавкIуле.

***
Дигила цIа лабкува,
УркIилизе леб дяхъи.
Церарша хIаратува?
РукIале дигмайгахъи.

***
Сарим буруй замайзе,
Саримике лихIахъа.
Сарим бегъубил гъяйзе.
Варе хIуни хъат бахъа.

***
Шиниша дубулике,
Дугуй балас нуни мас.
ТIарукIуй хIа чархике,
Цайра лебле хIаке кьас.

***
Дуриле це дуриша,
Дигуй дуресра хIатун.
Нам дигахъуй рурсила,
ТярхIрукIуле хIал битIун.

***
Ишбари ну вакIиле,
ХIушам саримт дуриша.
Арукьале эбкIиле,
ХIушам пешкеш дариша.

***
Дигила цIа лабкува,
Лигала мехIа бицIуй.
ХIу хIайгахъуй катува,
Царривгъа агьи рукIуй?

***
Диги дихьибил рурси,
Рурар нур лубкуйгъуна.
Рази бируй дия уркIи,
Агора эн хIугъуна.

***
Хъармахьила шилизе,
Чубетла авлахъизе.
РакIале нам мякьизе,
Рулхъахъис хIу кьализе.

***
Эшти гIямру дурару,
Дигуй мякьла агорил?
Эшхъуна чарх бурару,
Дигили бигохъибил?

***
ТIарукIулра зубразе,
Кебизувабар берхIи.
ХIу хIакьуле мякьизе.
Икилевус бекIуди.

***
ДухъутIдугьубил кIапIре,
Гьанна шиниш хIадурар.
Аби бугьубил рурсбе,
Ирисант камле бурар.