Дагъдин лекьре лув гайи хьиз чилелай,
Хкаж хьана аршдиз кьакьан тепедал:
Рагъ, Елена, тамашнай ваз кьилелай,
Капар ягъиз, ад гъизвайла уьлкведал.
Стадион ргаз, алимпиада,
На, Елене, квел авунай гьейранар.
Дагъустанда – ви бубайрин Ватанда,
Пара ава а квез ухшар жейранар.
Сагъ хьурай куьн, чи дагъвийрин несилдин
Хкажзавай тIварар кьакьан цавариз.
Куьн гъилевай юркуникай къизилдин
Ярж хьурай чаз, гьар са цIийи сувариз.
Къизил бегьер кIватIиз гьар са чкада,
И дуьньяда авайди ви ад хьана.
Чаз ви чина гьамиша хъвер аквада.
Чаз кIанзава куьн хьтинбур мад хьана.
Сагърай чи руш, баркалладин тIвар алай,
Чи дагъви руш – чемпионрин чемпион!
Къизил алимпиададин зар алай,
Агалкьунар мад хьурай квез кIани кьван
Елена исинбаевадиз
© Copyright: Сажидин Саидгасанов, 2013
Свидетельство о публикации №113121607744
Свидетельство о публикации №113121607744
Рецензии