БУЮК АГЪА

Эвель-эзель Къырымда
Татар халкъи яшагъан.
Урф-адети, миллий иджат-
Дюньяда нам къазангъан.

Басфор ёлун алмакъ ичюн
Къырым къаны тёкюльди,
Акъярда флот яратмакъ ичюн
Козь яшиндан дъениз ташиды.

Пролетарлар бирлешип
Буюк агъа сайляшти,
Къырым халкъы, озю бильмей
Башына беля арттырды.


Эм Алланы, эм молланы -
Ёкъ этмеге тырышип,
Акъыли зекир инсанларни-
Тюрьмелерге къапади.

Чокъкъа бармай -
Дженк башлашин...
Буюк агъа - эшитти,
Чаресин корюш ерине-
Бильгирлернен огърашти.

Ана-Ватан хавф астында,
Они-къутармакъ борджлю.
Кучу олгъан эрлеримиз -
Аскерликке язылды.

Ватан ичун откъа тюшип,
Догъгъан ерин - къорчалап,
Аилесин эске алыб,
Бар вижданнен курешди.

Ана,бала,къартлар исе -
Фронткъа тынмай чалышты.
Бастырыб кирген немселернен -
Чаресизликте кунь корьди.


Душманларни енъип башлап,
Чин юрекнен севинди!
Яшайишын догъурлайип -
Тынычлыкъкъа тырышти.

Оппадакътан - аскер келип,
Тошеклерден тургъузди...
Бизим халкъны,бир къалдырмай -
Вагон-вагон толдурды.

Бутюн татар - яш,къартына
Саткъын...,нами берильди.
Сюргун этип Ватанындан,
Укъубетке къалдырды...

Ашсыз,сувсыз,дженазесиз -
Ёлда къурбан олдилар...
Сагъ къалгъанларын исе -
Союзгъа даркъаттылар.

Дженкте бизим эрлеримиз -
Ветан ичюн къан тёкти,
Мешакъатли ёллар кечип -
Эбедий, нам къазанды!

Немселерни тар-мар этиб
Эвине ёл алдылар...
Аилесин тапалмайып -
Кене серсем олдулар...

Татарлыкъ тюшкен ери -
Гуль-багъчагъа айлянды.
Къырым исе, шу вакъытлари -
Ким бильсин - кимнен толушты.

Буюк агъа - пек бошашып,
Ватанны багъшиш этди.
Комендант вакъты битип -
Асретлик, къайта чекти.

Сюргюнликтен баш котерип -
Халкъ Ватангъа ёл алды.
Бедавадан-беш ашагъа,
Кене эвлерин къалдырды.

Мусибетлик - къайта чекип,
Яшаш ичюн - тырыштыкъ,
Ниетимизге етип -
Ана юртккъа къавуштыкъ!

Фаджиялы ёл кечирип
Халкъ абиде яптырди
Къадын эвлядын къучакълап
Эбедий шекиль олди.

Халкъимнынъ бахти,къисмети -
Озь мекянында ачылсын,
Эвинде сагълыкъ, бахт, къуванч -
Эбедий ёлдаш олуп турсын!

Ватанымизни гульлетиб -
Онып-осюб яшайыкъ,
Бахытли омюр кечирип-
БУЮК  ДЕВЛЕТ  олайыкъ !!!
                15.04.07 г.