Iуэху блэкI куэду уиIэу жыIи,
Си хьэдагъэм укъэмыкIуэ,
УкъамыщIэу щэхуу гуIи,
Зы нэпс закъуэ нэм къегъакIуэ.
Уэ къыптелIэу щыта псоми,
Я хьэдащхьэр умыгъей,
Куэд щIоупщIэ хъыджэбз дэсым,
Пщащэу щыIэм уралейт!
Лъэгъуныгъэ зэрыщыIэр
Уэ уи фIыщIэкIэ къэсщIащ,
Мы дунейм псалъэфIу щыIэр,
Къиспхъыу, цIыхухэм сахэтащ.
Лъэгъуныгъэ жэуапыншэм
ГуемыIу сищIакъым,
Си Iэпхъуамбэр щытезгъашэм,
Уэзгьэпщэн слъэгъуакъым?
Нэ утхъуахэм укъалъыхъуэу,
Си дунейр сэ кьэзухынущ,
Уи цIэр жысIэмэ сыIуэщхъуу,
КIасэу? - куэд сэтей къэхъунущ…
IэнатIэ мыгъуэм сыIутыну,
Дунейм гъуэщауэ сыкъакIуат,
Имычэзуу, - жьэр зыщIэнэну,
Щэбэт пщхьэшхьэм хэт игугъэнт…
Псынэпсу, – къабзэу ухэплъэу,
ФIылъэгъыныгъэ ауэ щыIэ,
КъыхокI абы цIыху псэу – нэкIуплъу,
Зыгъэунэхуам федэIу!
Уи дэж
© Copyright: Абубакир Жемухов, 2013
Свидетельство о публикации №113121404926
Свидетельство о публикации №113121404926
Рецензии