Цавун гъетер, вилериз зи,
Аквазмач куь гуьрчек нурар.
Кесиб залай хьанач рази,
Вун катна яр, вун катна яр.
Мугьуьббатдив ац1урна рик1,
Зун таз гила, им вуч хабар?
Йикъар-йифер акъудда гьик1,
Вун катна яр, вун катна яр.
Ви вилериз женнетдин къуш,
Гьич садрани гъанач накъвар.
Бес вучиз зун туна нахуш,
Вун катна яр, вун катна яр.
Рик1ел хквез ч1улав вилер,
Шабалатдин яргъи ч1арар.
Гьатзава зи чанда дердер,
Вун катна яр, вун катна яр.
Женнет багъдай акъудна зун,
Батмишна хьи ширин ахвар.
Шадвилихъай галудна зун,
Вун катна яр, вун катна яр
Зун билбил я, амачир сес,
Ат1анва зи мезни лувар.
Жигер кузва ч1угваз нефес,
Вун катна яр, вун катна яр.
Эй марвар цуьк зи гъилериз,
Акьахна ви хци цацар.
Мугьуьббатдал хъвериз-хъвериз,
Вун катна яр, вун катна яр.
Вун катна яр
© Copyright: Сулейман Ахтынский, 2013
Свидетельство о публикации №113121108525
Свидетельство о публикации №113121108525
Рецензии
Действительно красиво. Творческих успехов тебе!
Рамлье Рамлье 23.05.2014 01:22 • Заявить о нарушении
Рамлье Рамлье 23.05.2014 01:22 • Заявить о нарушении
На это произведение написаны 2 рецензии, здесь отображается последняя, остальные - в полном списке.