18 майыс сабасында
Къакъылды къапым.
Шу куню Ватанымдан
Къувулды халкъым.
Кельди эмир:
"Бошатылсын татардан Къырым".
Бутюн халкъны юртундан
Эттилер саткъын.
Бу хаберни эшиткеннен
Топракъ тепренди.
Бунынъ киби фаджианы
Тарих корьмеди.
Къырлар, чёллер инъледилер,
Агълады денъиз.
Къурыдылар чешмелер,
Къалдылар оксюз.
Халкъымны юкледилер
Мал вагонларгъа.
Ватандан алып кеттилер
Ят узакъларгъа.
Тёкюн-сачын олды халкъым,
Къардаш айырылды.
Бир-бирини тапалмайып
Юрек агълады.
Не къадар мезар къалды
Озьбекистанда!
Не къадар инсан ольди
Урал дагъында!
Кетсин, кетсин къара куньлер,
Кери къайтмасын!
Миллетимнинъ такъдиринде
Текрарланмасын!
Келинъ, халкъым, топлашайыкъ,
Олайыкъ бирлик.
Миллий девлет къурып биз
Ойнап кулейик!
18-нджи Майыс
© Copyright: Батырова Эльнара, 2013
Свидетельство о публикации №113120800491
Свидетельство о публикации №113120800491
Рецензии