Кесиб гьалдиз тагуз къимет
Гузва вуна даим зиллет
Садбуруз мал,бегьер,девлет
Кесибдиз - дар лакьан,дуьнья?
Халкьдиз вуна гузва вафат
Ч1уру яз ви тартиб,суфат
Яргъаз хьухь вун,завай къакъат
к1андач заз жез са къван,дуьнья
Халкьдиз вакай жезва так1ан
Къакъуд мийир чавай ватан
Ви гуьгъутна аван шейт1ан
Гьахъвал ус хьуй,я чан дуьнья?
Пул авайдахъ агатиз вун
Зерре саймиш ийизвач чун
Ваз чир хьухь,зани ваз лугьун:
Валлагь,вун я шейт1ан,дуьнья.
"Билбил" ктабдай
Дуьнья
© Copyright: Владик Батманов, 2013
Свидетельство о публикации №113112409159
Свидетельство о публикации №113112409159
Рецензии