Экуьн кьиляй варз ц1разва,
Илциф ице, шекер хьтин.
Марвар цуьк хьиз рик1 кьуразва,
Яр такурла, гевгьер хьтин.
Шербет авай истикандай,
Хъвадава за агъу туькьуьл.
Вун гуьзел яр патав к1андай,
Амма масад хьанва ви гъуьл.
Эй к1ани яр, ви атирдин,
Ни, девлетрихъ дегиш жедач.
Вучиз рик1из ашукь тирди,
Дуьньяд винел дадмиш жедач?
Ви п1узарин вирт1един дад,
Чан к1аниди заз сир хьана.
Ви хъвер акваз, пайчагь тир шад,
Гила закай есир хьана.
Цавун хура кузвай гъетер,
Чир хьухь зи яр гьуьруь тирди!
Адан назик, ч1улав вилер,
Заз квелайни экуь тирди.
Низ авурай, чанди гьарай?
Без гьинай за акун куьмек?
Фана дуьнья, туьхуьрмир ц1ай,
Муьгьуьбатдин гудавай экв!
Я сад Аллагь, къакъатна яр,
Гьуьлдандин рик1 хъуьтуьл авур.
Илциф ицяй акъатна кьар,
П1узарар зи туькьуьл авур.
И шиирди гуьрчек рангар,
Хажамжамдин, ч1улав туна!
Масада ви рик1е чан яр,
Муьгьуьбатдин ялав туна!
Яр такурла, гевгьер хьтин
© Copyright: Сулейман Ахтынский, 2013
Свидетельство о публикации №113111308682
Свидетельство о публикации №113111308682
Рецензии
Приношу свои извинения русскоязычным читателям. Перевода данного стиха (с лезгинского на русский) нету.
Сулейман Ахтынский 13.11.2013 20:05 • Заявить о нарушении
Сулейман Ахтынский 13.11.2013 20:05 • Заявить о нарушении