Жегьил рик1из кьарай къведач вун такурла,
Зи рик1 сефил, дарих я вахъ Назлу Дилбер.
Эхь, са лувар акатда зак вун акурла,
Ша булахдал кьве гаф рахан Назлу Дилбер.
Югъди - йифди вакай я руш,
рик1ин хиял.
Зи кайи хрел алахиз кьел ша ахварал.
Язух ша зи, тамир на зун къе ик1 рагал.
Ша булахдал кьве гаф рахан Назлу Дилбер.
Акъвазда зун хурал къуна зи седеф тар.
Звер кваз ша вун къуьнел къуна
къизилдин квар.
Шагьдин гару юзурай ви шэве
ч1арар.
Ша булахдал кьве гаф рахан
Назлу Дилбер.
И дуьньядиз аян ийин чи к1анивал.
Рехне квачир чи ашкъидин т1ем, михьивал.
Яр аку ваз, и зи рик1ин чим къенивал.
Ша булахдал кьве гаф рахан Назлу Дилбер!!!
Назлу Дилбер
© Copyright: Тачир Аташов, 2013
Свидетельство о публикации №113111009581
Свидетельство о публикации №113111009581
Рецензии