Пытэныгъэ хэт къыуитыта?
Гъогу тэрэзы хэт утырищэта?
ЩыIэныгъэр ошIа гъогуибл лъагъу -
Зэфэныгъэ пхэлъмэ ар бо ш1агъу.
"ГъогурыкIор тенэрэп гъогум"
Бэ шIагъэ заIорэ цIыфмэ.
Гъогу лъагъо о утехьагъэмэ,
Мы Iуагъэр игъэлъ угу.
Гъогу пстэури псынкIэп осэIо,
Къиныр ащ плъэгъузэ ущэкIо.
Ущымыгугъу ар кIэкIы пщыхъунэу,
Зымыгъэлал къин умылъэгъунэу.
ШIэныгъэ-гъэсагъэ о зэгъэгъот,
Щылыч-пытагъэ пкъым егъэгъот.
Тэ зыбгъэзагъэми уигъогу Iухыгъэ,
Гъогу тэрэза о джы хэпхыгъэр?
Хэпхырэ гъогум уишъыпкъэу еплъ,
Ащ уздищэтыр уитеплъ.
Гъогу зафэу гъогу тэрэзыр,
Къины плъэгъуны хэпхыныр.
Гъогукъин - гъогугукаем,
РыкIуагъи щыI а мэшIуаем;
Л1ыхъужъых ахэр, кIочIагъэх,
Гъогум ыцыпэ нэсыгъэх.
Олъэгъуба, о гоIу уигъогу,
Къабзэу шхъуантIэ уиогу.
Теубытагъэ уимыIэу гъогур хэмых -
СшIокъин ар, пIоу удэмых.
ЩыIэныгъэ гъогухэр
© Copyright: Анатолий Зекох, 2013
Свидетельство о публикации №113110900979
Свидетельство о публикации №113110900979
Рецензии