Къинэу плъэгъурэр сэлъэгъу,
Сыгу о огъу сишъхьэгъус.
Бэп къэнагъэр къэхъут дэгъу,
Ар тэгъаIуи, тегъэус.
(Ары, ары сишъхьэгъус, тыгъэгугъуи тегъэус).
Бэп къэнагъэр, къэхъут дэгъу-
Ар тэгъаIуи, тегъэус.
***
Уахътэр кIуагъэ, шъхьацыр фыжьы,
НэкIубагъэр джы зэлъагъ.
Тэ тиуахъти джы мэужьы,
Ау сэ непэ сыгушIуагъу.
Непэ мафэр уимэфэкIышъ,
СыпфэлъаIо сишъхьэгъус:
Угу о илъыр къыбдэхъунэу,
Тисабыйхэм тадэтхъэнэу.
Илъэс пчъагъэу тэ къэткIугъэр,
СызэплъэкIышъ сишъхьэгъус,
Сэ сэлъэгъу, бэ дэгъугъэр-
Сарыраз ащ сэ сигъус.
ХэткIи гъашIэм усхъожьынэп,
Сыгу уимыкIэу усигупс.
Сэ егъашIэм сыбгокIынэп,
ГъашIэу сиIэм усигъус!
Сишъхьэгъус. орэд
© Copyright: Анатолий Зекох, 2013
Свидетельство о публикации №113110900948
Свидетельство о публикации №113110900948
Рецензии