Мэзы пкэшъабэу, нэIуцэ дах,
УкIэрэкIаеу шхъуантIашъор унах.
Пшъэшъэ дэкIонэу зыоуфыжьы,
Гъэтхэ мэIэшIоу, лъэхъуапсэх уижьы.
Осэу жъутагъэр псыхъоу зэхахьэшъ,
КъыоIушъашъэ, шку-шкушкоу къачъэшъ.
Сыда шъэфэгъоу ар зыкIыуиIэр,
Лъэшэу очэфы, сыд къыуиIуагъэр?
Уитхьэпэ зехьэу жьыбгъэ зефакIор,
Зыкъыпхъотагъэу уадэжьы къакIо;
Ащ упэплъагъэшъ бэрэ уежагъэу,
Джы упэуалъэ тхьэр къыотагъэу.
Бзыуи, лэучэцIи къыокIужьыгъэу,
О къыпфаIуатэ шIушхо уалъэгъоу:
Бзыумэ агу пагъэу, орэдыр къыпфаIо,
Пчэгум къихьагъэу лэучэцIхэр къыпфашъо.
Мэзы пкIэшъабэу нэIуцэ дах,
Бэ о къыпфаер, узэтырах.
Шхыныр хьазырэу зэотэкъокIы;
Ар къэтэшъхьапэшъ, пхъэу укъытфэкIы.
Мэзыдах
© Copyright: Анатолий Зекох, 2013
Свидетельство о публикации №113110900519
Свидетельство о публикации №113110900519
Рецензии