Лъэбэхъугъэ хъугъэ мы дунаер,
Къэсыгъ пщагъоу зэхэтыкIэ Iаер:
КъыпфэкIотхэп цIыфхэр, къыпкIэIэнэу къыокIутхэп,
О уиIофхэр джы къичъыгъэп, ащ яIофхэп.
УимыуцIу о кIуачIэм, бгъэжьэу, ыпэ,
Уригъэуцот ащ чIыпIэу - гъыпIэ;
Къыпшъхьасынэп, къыоблэнэп фэлъэкIытмэ,
УкIодыным зэу еблэнэп фитмэ.
КIэнэкIалъэ ащ уишIыщтышъ еж о,
Ыгу рехьы ущытхъуныр ежь о.
ШIоу фэпшIагъэр щыгъупшэн ащ псынкIэу,
КъыпфишIэнэп, къыуитынэп-ыIон иIэр макIэу.
Мы тиуахътэ джы гу пкIыгъэх цIыфхэр,
КъычIанагъэх, абгынагъэх гугъэ нэпкъыхэр:
ЕкIух ахъщэм, тыгъэу ар хахыгъэу,
Аджал машIо мылъкур афэхъугъэу.
ЗэхэтыкIэ Iаехэр
© Copyright: Анатолий Зекох, 2013
Свидетельство о публикации №113110901053
Свидетельство о публикации №113110901053
Рецензии