Чун, инсанар, гьар жуьре я:
Садаз гзаф к1анда гатфар,
Масадаз кьуьд иер ят1а -
Зазни хуш я гатун йикъар.
Себеб им я: заз зи диде
Анжах гатуз аквазава.
Заз масан тир хайи хуьре
Рак виридаз ахъазава.
Гатуз к1вале зи к1ват1 жеда
Чун к1анибур, чаз к1анибур...
Аялвилин дустар къведа,
Зи багърияр, зи хайибур.
Гатуз хквез, ийиз икрам
Хайи муказ,хайи чилиз...
Гатуз жеда зунни Низам
Ц1ийи патар мадни чириз...
Т1ебиатни заз гьар гатуз
Мадни кьет1ен шад аквада.
Вун хтуй, рагъ атуй , - лугьуз
Багъда цуьквер зав рахада.
Каспи гьуьлуьн гьава верци
Шад гуьруьшдиз – чав акъатда,
Гатун югъ я гзаф яргъи
Зун лепейрив мад агатда .
Самур тамун къайи шагьвар
Галукьайла серин жечни?
Акатайла руьгьдик гатфар
Рик1е ашкъи дерин жечни?
05.11.13
Хуш я заз гатун йикъар...
© Copyright: Гасанова Гюзеля, 2013
Свидетельство о публикации №113110509340
Свидетельство о публикации №113110509340
Рецензии
МаншаАллаh...
Шиир заз пара бегелмиш хьана...хъсан гафар я...
Мадни Зурба Агалкьунар Хьурай Квехъ...
Камалдин Ильясов Кашкентви 21.11.2013 18:30 • Заявить о нарушении
Шиир заз пара бегелмиш хьана...хъсан гафар я...
Мадни Зурба Агалкьунар Хьурай Квехъ...
Камалдин Ильясов Кашкентви 21.11.2013 18:30 • Заявить о нарушении